Ummeed ( HOPE)...

Day 5 :)

 

Boring day.... but at the end everything's fine:)

You know what kabhi kabhi mai future ke baare bohot sochti hu , shayed sirf mai nhi sab sochte hai...

Par ye soch kar har pal khush rehna chahti hu ke aakhir kal ko kisne dekha hai ....

We have this beautiful gift  called NOW and I don't want to loose even a little part of it.

Har pal - har lamha ye sochti hu ke,  mujhe sirf abhi ke baare me sochna chahiye but har baar mai fail ho jaati hu. Kehte hai log apne zindagi me kabhi na kabhi failure ko face karte hi hai par mai to har roz , har pal failure ko face kar rahi hu, kya iska koi solution nhi hai..? Akhir asal me jeena kise kehte hai , jiske liye mai zindagi ke peeche itna bhaag rhi hu. 

Duniya me har koi ek maqsad liye present ko jee raha hai , fir mai sawaalo se bhari kyu hu?

Kyu  is simple life ko itna complicated bana rhi hu , har roz?

Jawaab milte bhi hai to sawaal se lagte hai.

Log kitne plan ke hisaab se chalte hai na, par life me kuch bhi plan ke mutabik nhi hota..

Jab ki har baar hume zindagi ke mutabik chalna hota hai..

Ye hum kabhi decide nhi karte ki humara situation kaisa hoga, balki humara situation decide karta hai ki hum kaise hai.

Magar aakhir tak , chahe jitne sawaal ho, chahe jawaab bhi sawaal se lage, chahe hazaaro plan fail ho jaaye ... Hume sirf ek hi chiz zinda rakhti hai aur wo hai "ummeed ", .. Kabhi socha hai ke humare paas ab kitna wakt hai , iska jawaab kisi ke paas nhi hai. Par ek ummeed ke karan hi hum jee rhe hai...

End of the day aur mujhe jawaab mil gya.. Zindagi me UMMEED , HOPE , TRUST, BELIEF ka hona bohot zaroori hai ...

"Agar humare saath sabse bura ho skta hai to yaad rakhna , humare saath sabse achha bhi ho sakta hai..."

Yaad rakhna:

               Tu haarega nhi jab tak dil me jeet hai..,

         sab kuch mumkin hai agar tujhme ummeed hai....

Aaj ke liye bas itna hi , tab tak ke liye be happy, take care, Bye...   :)